سوال: مفتی صاحب ! کھڑے ہو کر ہمبستری کرنا شرعا کیسا ہے؟

جواب: واضح رہے کہ شرعی اعتبار سے بیوی سے کھڑے ہو کر جماع کرنے کو ناجائز تو نہیں کہا جاسکتا، البتہ مندرجہ ذیل احادیث کی روشنی سے پتہ چلتا ہے کہ یہ طریقہ آداب کے خلاف ہے۔
حدیث شریف میں ہے:
عَنْ عُتْبَةَ بْنِ عَبْدٍ السُّلَمِيِّ، ‏‏‏‏‏‏قَالَ:‏‏‏‏ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:‏‏‏‏ إِذَا أَتَى أَحَدُكُمْ أَهْلَهُ، ‏‏‏‏‏‏فَلْيَسْتَتِرْ، ‏‏‏‏‏‏وَلَا يَتَجَرَّدْ تَجَرُّدَ الْعَيْرَيْنِ .
ترجمہ: رسول اللہ صلی اللہ علیہ وسلم نے فرمایا: جب کوئی شخص اپنی بیوی سے صحبت کرے تو کپڑا اوڑھ لے، اور گدھا گدھی کی طرح ننگا نہ ہو جائے ۔
دوسری حدیث میں ہے،
‏‏‏‏‏عَنْ عَائِشَةَ، ‏‏‏‏‏‏قَالَتْ:‏‏‏‏ مَا نَظَرْتُ أَوْ مَا رَأَيْتُ فَرْجَ رَسُولِ اللَّهِ صَلَّى اللَّهُ عَلَيْهِ وَسَلَّم ‏‏‏‏‏قط۔
ترجمہ: حضرت عائشہ رضی اللہ تعالی عنہا فرماتی ہیں:
میں نے رسول اللہ صلی اللہ علیہ وسلم کی شرمگاہ کو کبھی نہیں دیکھا۔
اسی طرح طب یونانی کی بعض کتب میں لکھا ہے کہ کھڑے ہوکر صحبت کرنے سے بدن کمزور ہو جاتا ہے، اور رعشہ کا مرض پیدا ہوجاتا ہے۔