عنوان: منسوخ آیتوں اور سورتوں سے متعلق وضاحت(100310-No)

سوال: مفتی صاحب، فضائل صداقت صفحہ 551 پر حضرت ابو موسی اشعری فرماتے ہے كہ ایک سورت اتنی بڑی جیسے سورت براءة نازل ہوئی تھی، پھر منسوخ ہوگئی، کیا یہ قرآن پاک كے متعلق ہے ؟وضاحت کیجیے

جواب: جی ! مذکورہ سورت منسوخ ہو چکی ہے۔
واضح رہے کہ اللہ تعالیٰ کی یہ سنت رہی ہے کہ وہ محتلف زمانوں کے حالات کی مناسبت سے شریعت کے فروعی احکام میں تبدیلی فرماتے رہے ہیں، اگرچہ دین کے بنیادی عقائد مثلاً توحید، رسالت، آخرت وغیرہ ہر دور میں ایک رہے ہیں، لیکن جو عملی احکام حضرت موسیٰ (علیہ السلام) کو دیئے گئے تھے، ان میں سے بعض حضرت عیسیٰ (علیہ السلام) کے دور میں تبدیل کردیئے گئے اور آنحضرت (صلی اللہ علیہ وآلہ وسلم) کے زمانے میں ان میں مزید تبدیلیاں واقع ہوئیں، اسی طرح جب آنحضرت (صلی اللہ علیہ وآلہ وسلم) کو شروع میں نبوت عطا ہوئی تو آپ کی دعوت کو مختلف مراحل سے گزرنا تھا، مسلمانوں کو طرح طرح کے مسائل درپیش تھے، اس لئے اللہ تعالیٰ نے احکام میں تدریج اختیار فرمائی، کسی وقت ایک حکم دیا گیا بعد میں اس کی جگہ دوسرا حکم آگیا، جیسا کہ قبلے کی تعین میں احکام بدلے گئے، فروعی احکام میں ان حکیمانہ تبدیلیوں کو اصطلاح میں “ نسخ ” کہتے ہیں، یہودیوں نے بالخصوص اور دوسرے کافروں نے بالعموم اس پر یہ اعتراض اٹھایا کہ اگر یہ سارے احکام اللہ تعالیٰ کی طرف سے ہیں تو ان میں یہ تبدیلیاں کیوں ہورہی ہیں؟ ما ننسخ من ایة او ننسھا نأت بخير منها او مثلها الخ سے اللہ تعالی قرآن مجید میں جواب دیتے ہیں۔
جواب کا خلاصہ یہ ہے کہ اللہ تعالیٰ اپنی حکمت کے مطابق بدلتے ہوئے حالات میں یہ تبدیلیاں کرتے ہیں اور جو حکم بھی منسوخ کیا جاتا ہے، اس کی جگہ ایسا حکم لایا جاتا ہے، جو بدلے ہوئے حالات میں زیادہ مناسب اور بہتر ہوتا ہے یا کم از کم اتنا ہی بہتر ہوتا ہے جتنا بہتر پہلا حکم تھا۔

۔۔۔۔۔۔۔۔۔۔۔۔۔۔۔۔۔۔
دلائل:

کما فی القرآن الکریم:

مَا نَنۡسَخۡ مِنۡ اٰیَۃٍ اَوۡ نُنۡسِہَا نَاۡتِ بِخَیۡرٍ مِّنۡہَاۤ اَوۡ مِثۡلِہَا ؕ اَلَمۡ تَعۡلَمۡ اَنَّ اللّٰہَ عَلٰی کُلِّ شَیۡءٍ قَدِیۡرٌ ﴿۱۰۶﴾

(سورۃ البقرۃ، آیت: 106)

واللہ تعالٰی اعلم بالصواب
دارالافتاء الاخلاص، کراچی
Print Views: 210
mansookh ayaton/ayaat aur sooraton/sooraton se/say mutaliq/muta'aliq wazaahat , explanation regarding the invalid ayaat/ayahs and surah/suwar

Find here answers of your daily concerns or questions about daily life according to Islam and Sharia. This category covers your asking about the category of Interpretation of Quranic Ayaat

Copyright © AlIkhalsonline 2021. All right reserved.

Managed by: Hamariweb.com / Islamuna.com