سوال: السلام علیکم ، حضرت بیسی کی رقم سے حج یا عمرہ کر سکتے ہیں؟ اگر بیسی مکمل ہونے پر رقم ملے یا ابھی درمیان میں دونوں صورتوں میں کیا حكم ہے؟

جواب: کمیٹی میں جو رقم ماہانہ دی جاتی ہے، وہ اس شخص کی ملکیت ہوتی ہے جو رقم جمع کراتاہے اور شروع یا درمیان میں کمیٹی ملنے کی صورت میں بقیہ قسطیں ذمہ پر قرض ہوتی ہیں، لہذا قرض کی رقم نکالنے کے بعد اگر آپ کے پاس کمیٹی کی یا اس کے ساتھ دیگر اتنی رقم ہو، جس سے حج کے ضروری اخراجات (وہاں کے قیام اور کھانے وغیرہ) اور آنے جانے کا خرچ پورا ہوسکتا ہو اور واپسی آنے تک گھر والوں کے واجبی اخراجات پورے ہوسکتے ہوں، تو آپ پر حج فرض ہوگا ورنہ نہیں، البتہ اگر اتنی رقم نہ ہو، پھر بھی حج کرلیا، تو حج ادا ہوجائیگا۔