سوال: السلام علیکم، مفتی صاحب! میری عمر تقریبا 72 سال ہے، میں کئی سال سے بلڈ پریشر اور شوگر کے مرض میں مبتلا ہوں، رمضان میں روزہ رکھنے کی پوری کوشش کرتا ہوں، پھر بھی کچھ روزے چھوٹ جاتے ہیں، لیکن اب میں بہت کمزور ہوگیا ہوں، تو کیا اب میں رمضان کے روزوں کا فدیہ دے سکتا ہوں یا نہیں؟

جواب: واضح رہے کہ اگر آپ کیلئے روزے رکھنا واقعی دشوار ہے، تو آپ اپنے قضا روزوں کا حساب کر کے ان کا فدیہ ادا کر دیں، لیکن اس کے باوجود اگر آپ آئندہ روزے رکھنے پر قادر ہوجائیں، تو دوبارہ ان روزوں کی قضاء کرنا لازم ہوگا۔