سوال: السلام علیکم، مفتی صاحب اگر کسی عورت کے اوپر کفارہ کے ساٹھ روزے لازم ہوں، تو یہ مسلسل ساٹھ روزے کس طرح رکھے گی؟ کیونکہ درمیان میں اس کی ماہواری کی وجہ سے روزے چھوٹ جائیں گے؟

جواب: واضح رہے کہ عورت کے کفارے کے روزوں کے درمیان اگر حیض کی وجہ سے ناغہ ہو جائے، اور تسلسل برقرار نہ رہے، تو شرعاً کوئی حرج نہیں ہے، حیض کے ایام ختم ہوتے ہی فورا روزے شروع کر دے، اسی طرح ساٹھ روزے پے در پے پورے کرے، اگر ماہواری ختم ہونے کے بعد ایک دن کا بھی ناغہ کرے گی، تو پھر نئے سرے سے ساٹھ روزے رکھنے ہوں گے۔