سوال:
حضرت ! سوال یہ ہے کہ زید امریکہ میں ہے اور اسکے ماں، باپ اور بہن، بھائی کراچی میں ہیں، ایک ہفتے کے لئے وہ کراچی اور لاہور آتا ہے، تو وہ نماز قصر پڑھے گا یا پوری؟
جواب: صورت مسؤلہ میں اگر زید کراچی کو بالکلیہ چھوڑ کر اپنے اہل و عیال سمیت مستقل طور پر امریکہ منتقل ہو چکا ہے، اور امریکہ کی مستقل شہریت بھی حاصل کر لی ہے، تو ایسی صورت میں کراچی زید کا وطن اصلی شمار نہیں ہوگا، لہذا اب اگر زید پندرہ دن سے کم وقت کے لئے کراچی جائے گا، تو اس صورت میں قصر نماز ادا کرے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (مطلب فی الوطن الاصلی و الاقامۃ، 586/1)
الوطن الاصلی ہو موطن ولادتہ او تاہلہ او توطنہ یبطل بمثلہ اذالم یبق لہ بالاول اہل فلو بقی لم یبطل بل یتم فیہا
المحیط البرھانی: (401/2)
’’ومن حکم الوطن الأصلي أن ینتقض بالوطن الأصلي؛ لأنه مثله والشيء ینتقض بما هومثله حتی إذا انتقل من البلد الذي تأهل به بأهله وعیاله وتوطن ببلدة أخری بأهله وعیاله لاتبقی البلدة المنتقل عنها وطناًله‘‘.
و فیہ ایضا: (388/2)
’’ولابد من معرفتها؛ لأن السفر یبطل بالإقامة، فنقول: أدنی مدة الإقامة عندناخمسة عشریوماً … وعندنا مالم ینو الإقامة خمسة عشر یوماً لایتم الصلاة‘‘ …
واللہ تعالٰی اعلم بالصواب
دارالافتاء الاخلاص،کراچی