سوال:
السلام علیکم، مفتی صاحب! بعض لوگ اپنے بزرگوں سے یا امام صاحب سے بڑھ چڑھ کر مصافحہ کرنے لگتے ہیں، اور اس دوران اچھا خاصہ جھک جاتے ہیں، کیا اس طرح جھک کر سلام کرنا صحیح ہے؟
جواب: واضح رہے کہ مصافحہ کرتے وقت رکوع کی مانند جھکنا صحیح نہیں، لہذا اس سے اجتناب کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوۃ المصابیح: (ص: 401)
عن انس ؓقال قال رجل یارسول اﷲ الرجل منا یلقی اخاہ اوصدیقہ اینحنی لہ قال لاقال أفیلتزمہ ویقبلہ قال لاقال أفیأخذ بیدہ ویصافحہ قال نعم۔
رد المحتار: (کتاب الحظر و الاباحۃ، 338/5)
قال القھستانی وفی الظھیریۃ یکفر بالسجدۃ مطلقا وفی الزاھدی الایماء فی السلام الی الرکوع کا لسجود وفی المحیط انہ یکرہ الانحناء للسلطان وغیرہ
واللہ تعالٰی اعلم بالصواب
دارالافتاء الاخلاص،کراچی