سوال:
السلام علیکم رحمۃ اللہ برکاتہ، مفتی صاحب ! امید ہے خیریت سے ہونگے۔
میرا سوال یہ ہے آج کل پاکستان میں ٹڈی دل کا حملہ ہوا ہے، لوگ ٹڈیوں کو پکڑ کر بریانی میں ڈال کر کھا رہے ہیں، کیا یہ حلال ہے یا حرام ہے؟
جواب: "ٹڈا" جس کو عربی میں "الجراد'' کہتے ہیں، اس کا کھانا حلال ہے۔
لما فی مسند احمد:
"عَنِ ابْنِ عُمَرَ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: " أُحِلَّتْ لَنَا مَيْتَتَانِ، وَدَمَانِ. فَأَمَّا الْمَيْتَتَانِ: فَالْحُوتُ وَالْجَرَادُ، وَأَمَّا الدَّمَانِ: فَالْكَبِدُ وَالطِّحَالُ۔
ترجمہ:
آپ صلی اللہ علیہ وسلم نے فرمایا کہ ہمارے لیے دو میتہ (مچھلی اور ٹڈی )اور دو خون (جگر اور تلیّ )حلال کردیے گئے ہیں۔
مسند أحمد ط الرسالة (10/16)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مسند أحمد: (10/16)
عَنِ ابْنِ عُمَرَ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: " أُحِلَّتْ لَنَا مَيْتَتَانِ، وَدَمَانِ. فَأَمَّا الْمَيْتَتَانِ: فَالْحُوتُ وَالْجَرَادُ، وَأَمَّا الدَّمَانِ: فَالْكَبِدُ وَالطِّحَالُ
واللہ تعالٰی اعلم بالصواب
دارالافتاء الاخلاص،کراچی