سوال: السلام علیکم، مفتی صاحب ! امام تلاوت کرتے ہوئے کچھ بھول جائے یا تجوید کی غلطی کرے، تو کیا اسے لقمہ دیا جاسکتا ہے؟ مزید یہ بھی بتائیں کہ اگر امام کسی رکن کی غلطی کر لے، مثلا: چوتھی رکعت کے بعد بجائے بیٹھنے کے پانچویں رکعت کے لیے کھڑا ہو جائے، تو کیا اسے اشارہ دیا جا سکتا ہے، اور اشارہ دینے کا کیا طریقہ مناسب ہے؟

جواب: واضح رہے کہ جب تک لقمہ دینے کی شدید ضرورت نہ ہو، اس وقت تک امام کو لقمہ نہیں دینا چاہیے، اور شدید ضرورت سے مراد یہ ہے کہ مثلاً امام غلط پڑھ کر آگے پڑھنا شروع کر دے، یا غلطی کی وجہ سے خاموش کھڑا رہے، اور رکوع بھی نہ کرے، تو اس صورت میں لقمہ دیا جا سکتا ہے۔
اگر امام دو سجدوں کی جگہ تین سجدے کر لے، یا چوتھی رکعت میں بیٹھنے کے بجائے پانچویں رکعت کے لئے کھڑا ہو جائے، تو ایسی صورت میں "سبحان اللہ" کہہ کر امام کو متنبہ کیا جا سکتا ہے۔