سوال: السلام علیکم، مفتی صاحب ! کیا کوئی شخص طویل سفر سے واپسی پر، سب کے سامنے اپنی اہلیہ سے گلے مل سکتا ہے؟

جواب: اللہ تعالیٰ نے انسان کواشرف المخلوقات بناکر فطری خوبیوں سے مالامال کیا ہے، ان خوبیوں میں سے ایک خوبی شرم وحیا ہے۔ شرعی نقطہٴ نظر سے شرم وحیا اس صفت کا نام ہے، جس کی وجہ سے انسان قبیح اور ناپسندیدہ کاموں سے پرہیز کرتا ہے، مسلمان پر لازم ہے کہ وہ حیاء کی صفت کو اپنانے کی مکمل کوشش کرے، تاکہ پاکیزگی اور پاکدامنی کے ساتھ زندگی گزارے۔
صورت مسئولہ میں سب کے سامنے بیوی سے گلے ملنا چونکہ حیا کے خلاف ہے، اس لئے اس سے اجتناب کرنا چاہیے۔