سوال: السلام علیکم، مفتی صاحب! اگر حج کے دوران گرمی ہو، تو احرام کی حالت میں محرم کسی کپڑے یا ہاتھ سے اپنے چہرے اور سر کا پسینہ صاف کرسکتا ہے؟

جواب: واضح رہے کہ حالت احرام میں سر یا چہرے کا پسینہ ہاتھ سے پونچھنے میں کوئی حرج نہیں؛ البتہ کپڑے سے پسینہ پونچھنا کراہت سے خالی نہیں؛ اس لئے کہ اس میں ایک طرح سے چہرہ یا سرکا ڈھکنا لازم آتا ہے، اگرچہ تھوڑی دیر کے لئے ہے، لہذا اگر کسی نے ایسا کرلیا، تو بہتر ہے کہ صدقہ دے دے۔