سوال: السلام علیکم، مفتی صاحب! ہم لوگ مکہ مکرمہ میں حدود حرم کے اندر رہتے ہیں، ہم جب اپنا فریضہ حج یا عمرہ کرنے کے لیے جائیں، تو احرام اپنی رہائش گاہ سے بھی باندھ سکتے ہیں یا احرام باندھنے کے لیے میقات جانا ہوگا؟

جواب: واضح رہے کہ مکہ میں رہنے والے لوگ اگر عمرہ کا احرام باندھنا چاہتے ہیں، تو ان کو حرم کی حدود سے باہر نکل کر حل سے احرام باندھنا لازم ہے، اگر ان میں سے کوئی شخص حدود حرم کے اندر اپنی رہائش گاہ سے احرام باندھ کر عمرہ کرے گا، تو اس پر حدود حرم میں دم دینا لازم ہوگا۔
البتہ وہ حج کا احرام حدود حرم کے اندر سے ہی باندھ سکتے ہیں۔