عنوان:
کیا حالت احرام میں بال گرنے پر قربانی واجب ہوگی؟
(3602-No)
سوال:
السلام علیکم، مفتی صاحب! میرا اس سال عمرے پر جانے کا ارادہ ہے، سوال یہ پوچھنا تھا کہ وضو کرتے وقت میرے سر اور داڑھی کے بال بہت زیادہ گرتے ہیں، مجھے کسی نے کہا کہ احرام کی حالت میں بال گرنے کی وجہ سے قربانی واجب ہوتی ہے، کیا یہ بات صحیح ہے؟
جواب: واضح رہے کہ احرام کی حالت میں وضو احتیاط سے کرنا چاہیے، تاکہ بال نہ گریں، اور اگر تین بالوں تک گر جائیں تو ایک مٹھی گندم یا اس کی قیمت صدقہ دینا کافی ہے، اور اگر تین سے زیادہ گرجائیں تو صدقہ فطر دینا لازمی ہے، البتہ بال گرنے سے قربانی لازم نہیں ہوتی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاوی الھندیۃ: (243/1)
واذا حک المحرم رأسہ أو لحیتہ فانتثر منھا شعر فعلیہ صدقۃ۔
واللہ تعالٰی اعلم بالصواب
دارالافتاء الاخلاص،کراچی
Kia, haalat, halat, ihram, Ahram, Ehram, Ihraam, Ahraam, Ehraam, mein, main, baal, bal, girnay, girne, par, qurbani, wajib, ho, gee, hoge,
Is it obligatory to offer a sacrifice in case of hair loss in ihram?