سوال: السلام علیکم، مفتی صاحب، جس طرح عمرہ یا حج کا احرام باندھنے کی شرائط ہیں، بالکل اسی طرح احرام کھولنے کی بھی شرائط ہیں، تو احرام کھولنے کے لئے بال کٹوانے کا کیا طریقہ ہے؟ اور اس کی شریعت نے کیا حد طے کی ہے؟

جواب: واضح رہے کہ احرام کھولنے کے لیے حلق(استرے سے بال صاف کروانا) افضل ہے، اور قصر بھی جائز ہے، امام ابو حنیفہ رحمہ اللہ کے نزدیک احرام کھولنے کے لئے شرط یہ ہے کہ کم از کم چوتھائی سر کے بال ایک پورے کے برابر کاٹے جائیں، البتہ اگر سر کے بال ایک پورے سے چھوٹے ہوں، تو استرے سے صاف کرنا ضروری ہیں، اس کے بغیر احرام سے باہر نہیں آسکتا۔