سوال: السلام علیکم، مفتی صاحب! اگر کوئی شخص مکہ میں رہتا ہو، اور مہینے میں دو تین عمرے کر لیتا ہو، تو کیا اس صورت میں اس پر حلق کروانا لازم ہے؟ کیونکہ بار بار عمرہ کرنے کی وجہ سے اس کے بال اس قدر نہیں ہونگے کہ وہ قصر کرلے، تو کیا اس کو حلق کروانا ضروری ہے؟

جواب: واضح رہے کہ قصر اس صورت میں ہوسکتا ہے جب سر کے بال انگلی کے پورے کے برابر ہوں، اگر بال اس سے چھوٹے ہوں، تو حلق کرنا متعین ہے، قصر کرنا صحیح نہیں، اس لیے جو لوگ بار بار عمرہ کریں، ان کے لیے لازم ہے کہ ہر عمرے کے بعد حلق کروائیں ، قصر کرنے سے ان کا احرام نہیں کھلے گا۔