سوال: السلام علیکم، مفتی صاحب ! سورہ بقرہ کی آیت نمبر ٢٨٢ ایک رکوع کی ہے، تو کیا امام اس ایک آیت کو دو رکعتوں میں آدھی آدھی پڑھ سکتا ہے؟

جواب: واضح رہے کہ امام ابو حنیفہ رحمہ اللّٰہ کے نزدیک نماز میں فرض قراءت کی کم از کم مقدار ایک آیت ہے، اور صاحبین کے نزدیک تین چھوٹی آیات یا ایک بڑی آیت ہے، البتہ اگر کوئی شخص بڑی آیت جیسے آیۃ الکرسی یا آیۃ المداینۃ(جس کے بارے میں سوال میں پوچھا گیا ہے) آدھی ایک رکعت میں اور آدھی دوسری رکعت میں پڑھے، تو اس بارے میں فقہاء کا اختلاف ہے، بعض کے نزدیک آیت پوری نہ پڑھنے کی وجہ سے جائز نہیں ہے، جبکہ عام فقہاء کے نزدیک جائز ہے، کیونکہ ان آیتوں کا نصف چھوٹی تین آیتوں سے زیادہ یا برابر ہوجاتا ہے۔
لہذا اگر کسی نے مذکورہ آیت آدھی ایک رکعت میں اور آدھی دوسری رکعت میں پڑھ لی، تو اگرچہ نماز ہوجائے گی، لیکن اس طرح کرنا مناسب نہیں ہے۔