عمرہ کا احرام باندھنے کے بعد کسی وجہ سے عمرہ نہ کرنا

عنوان: عمرہ کا احرام باندھنے کے بعد کسی وجہ سے عمرہ نہ کرنا(3651-No)

سوال: مفتی صاحب ! ایک فیملی نے عمرہ کا احرام باندھ لیا تھا، لیکن نیت نہیں کی تھی، چونکہ سعودی حکومت نے کروناوائرس کی وجہ سے مختلف ممالک کے زائرین پر سعودی عرب آنے پر پابندی لگادی ہے، اس وجہ سے اس فیملی کو ائیرپورٹ پر ہی روک لیا گیا ہے، اب اس فیملی کے لیے شریعت کیا حکم دیتی ہے؟

جواب: (1) واضح رہے کہ اگر مذکورہ فیملی نے صرف احرام باندھا ہو، اور عمرہ کی نیت کرکے تلبیہ نہ پڑھا ہو، تو ایسی صورت میں یہ فیملی احرام کھول لے، اور احرام کھولنے کی وجہ سے ان پر کچھ دم وغیرہ واجب نہیں ہوگا۔
(2) اگر احرام باندھنے کے بعد عمرہ کی نیت کرکے تلبیہ پڑھ لیا ہو، تو اب ان کے لیے احرام سے نکلنا جائز نہیں ہوگا، یہانتکہ حدودِ حرم میں ہر ایک شخص کے بدلہ بکری یا دنبہ ذبح نہ کردیا جائے، جب حدودِ حرم میں جانور ذبح ہوجائے، تو ان کے لیے احرام کھولنا جائز ہوگا، اور پابندی ختم ہونے کے بعد اس عمرہ کی قضاء بھی لازم ہوگی۔
(3) اگر حدود حرم میں جانور ذبح کرانے سے پہلے احرام اتار دیا اور سلے ہوئے کپڑے پہن لیے یا دیگر جنایات کا ارتکاب کرلیا، تو اس صورت میں بھی صرف ایک ہی دم لازم ہوگا، اور عمرہ کی قضاء بھی کرنی ہوگی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:

ارشاد الساری: (باب الاحرام، 125/1، ط: مکتبہ امدادیہ، مکۃ المکرمۃ)
صرحوا انہ لا یدخل فی الاحرام بمجرد النیۃ، بل لا بد من التلبیۃ او مایقوم مقامھا، حتی لو نوی ولم یلب لایصیر محرما وکذا لو لبی ولولم ینو۔

لباب مع ارشاد الساری: (باب الاحصار، ص: 587، ط: الامدادیۃ، مکۃ المکرمۃ)
اذا احصر المحرم بحجۃ او عمرۃ وارادالتحلل یجب علیہ ان یبعث الھدی وھو شاۃ وما فوقھا۔۔۔ او یبعث ثمن الھدی لیشتری بہ الھدی، ویامر بذلک فیذبح عنہ فی الحرم۔

و فیہ ایضاً: (باب الاحصار، ص: 601، ط: الامدادیۃ، مکۃ المکرمۃ)
اذا حل المحصر بالذبح فان کان احرامہ۔۔۔۔۔۔۔وان کان معتمرا فعلیہ عمرۃ لا غیر۔

غنیۃ الناسک: (ص: 311)
إن المحرم إذا نوی رفض الإحرام فجعل یصنع ما یصنعہ الحلال من لبس الثیاب والتطیب والحلق والجماع وقتل الصید فعلیہ دم واحد بجمیع ما ارتکب ولوفعل کل المحظورات ولا یخرج بذلک القصد من الإحرام وعلیہ أن یعود کما کان محرمًا۔

واللہ تعالٰی اعلم بالصواب
دارالافتاء الاخلاص،کراچی

16 Apr 2025

17 Shawwal 1446

12 Million+

TOTAL VIEWS

اردو مضامین

مریض کی شخصی (Private) باتیں معالج کے پاس امانت ہیں
چھوٹے خاندان اور معاشی تنگی کے پیشِ نظر منع حمل کی تدابیر ( Contraceptive Measures) اختیار کرنا
نفلی روزوں کے دنیاوی ،طبی اور جسمانی فوائد
تمام مضامین

MY WILL

DOWNLOAD

میرا وصیت نامہ

عنوان: عمرہ کا احرام باندھنے کے بعد کسی وجہ سے عمرہ نہ کرنا(3651-No)

حج و عمرہ میں مزید فتاوی

فتاوی

FATAWA