سوال: السلام علیکم، مفتی صاحب ! زنا ایک قرض ہے، کیا یہ کوئی حدیث ہے یا کسی امام کا قول ہے؟ براہ کرم اس بات کا مطلب بیان فرمانے کے ساتھ کتاب کا حوالہ بھی عنایت فرمائیں۔
جواب: "زنا ایک قرض ہے" یہ مقولہ امام شافعی رحمہ اللہ کا ہے جو ان کے "دیوان الشافعی ص ٨٤، طبع: مؤسسة علاء الدين" میں موجود ہے، الفاظ اس کے یہ ہیں: عفوا تعف نساوٴکم في المحرم وتجنبوا ما لا یلیق۔۔۔۔۔۔ بمسلم إن الزنا دین فإن۔۔۔۔۔۔۔۔۔ أقرضتہ کان الوفا من أھل بیتک۔۔ فاعلم ترجمہ: پاکدامن رہو رہو تمہاری عورتیں پاک دامن رہیں گی، جو باتیں مسلمان کو زیب نہیں دیتیں، ان سے کنارہ کش رہو، بلاشبہ زنا ایک قرض ہے، اگر تم اس قرض میں مبتلا ہوئے ہو، تو یاد رکھو! اس قرض کی ادائیگی بھی تمہارے گھر ہی سے ہوگی۔ نیز ان اشعار کا مضمون صحیح ہے، حدیث مبارک سے بھی اس مضمون کی تائید ہوتی ہے، چنانچہ المعجم الکبیر للطبرانی: ۱۱/۱۷۳ میں حضرت عبداللہ بن عمر رضی اللہ عنہما کی ایک طویل روایت ہے، جس میں نبی کریم ﷺ کا ارشاد ہے: ”عفوا تعف نساوٴکم“ ترجمہ: پاک دامن رہو تمھاری عورتیں پاک دامن رہیں گی۔لہذا گناہ جیسے سنگین گناہ سے خوب اجتناب کرنا چاہیے۔
Find here answers of your daily concerns or questions about daily life according to Islam and Sharia. This category covers your asking about the category of Interpretation and research of Ahadees