فارماسیوٹیکل (Pharmaceutical) کمپنیوں کا مخصوص دوا تجویز کرنے پر ڈاکٹر کو کمیشن دینے کا حکم

عنوان: فارماسیوٹیکل (Pharmaceutical) کمپنیوں کا مخصوص دوا تجویز کرنے پر ڈاکٹر کو کمیشن دینے کا حکم(3657-No)

سوال: السلام علیکم ورحمة اللّٰہ برکاتہ:
حضرت میں ایک ڈاکٹر ہوں، اور میرے پاس جو کمپنی والے دوائی بتانے آتے ہیں انہیں کمپنیوں کی دو تین دوائیں ایسی ہیں جو کہ بالکل ایک جیسی ہیں۔ یعنی ایک ہی بیماری میں دونوں میں سے کسی ایک کمپنی کی دوائی دی جا سکتی ہے ۔ دونوں کی افادیت بھی ایک جیسی ہے اور دونوں کے (ریٹ) پیسے بھی برابر ہیں۔ میں دونوں کمپنیوں کی دوائی لکھتا ہوں اب ایک کمپنی والے مجھ سے کہتے ہیں کہ ہم آپ کو یورپ میں ڈاکٹروں کی ایک کانفرنس میں بھیجنا چاہتے ہیں اور دو یا تین دن ھم آپ کو وہاں تفریح بھی کرائیں گے، کراچی سے یورپ آنا جانا، رہنا، کھانا پینا، ٹکٹ، ٹیکس سب ہم دیں گے لیکن پھر مجھے اُن کی دوائی دوسری کمپنی کی دوائی سے زیادہ لکھنی پڑے گی جہاں ضرورت ہوگی وہاں پر۔ مریض کو تو کوئی فرق نہیں پڑے گا کیونکہ دونوں کے ریٹ بلکل ایک جیسے ہی ہیں۔
میرا سوال یہ ہے کہ کیا اسطرح کرنا خلاف شرع تو نہیں ہوگا اور کیا یہ جائز ہے۔ برائے مہربانی قرآن و سنت کی روشنی میں مکمل تحقیقی حوالوں کے ساتھ جواب عنایت فرمائیں۔ جزاك الله خيرا

جواب: اگر فارماسیوٹیکل (Pharmaceutical) کمپنیوں کے نمائندے اپنی ادویات متعارف کروانے کے لیے ڈاکٹر کوکوئی تحفہ یا کمیشن دیتے ہیں تو چند شرائط کے ساتھ ایسا تحفہ اور کمیشن وصول کرنا جائز ہے:
1) محض کمیشن وصول کرنے کی خاطر ڈاکٹرغیر معیاری وغیر ضروری اور مہنگی ادویات تجویز نہ کرے۔
2) کسی دوسری کمپنی کی دوا مریض کے لیے زیادہ مفید سمجھتے ہوئے، خاص اس کمپنی ہی کی دوا تجویز نہ کرے ۔
3) فارماسیوٹیکل (Pharmaceutical) کمپنیاں ڈاکٹر کو دیئے جانے والے کمیشن، تحائف اور مراعات کا خرچہ ادویات مہنگی کر کے مریض سے وصول نہ کریں۔
4)کمیشن، تحائف اور مراعات کی ادائیگی کا خرچہ وصول کرنے کے لیے کمپنی ادویات کے معیار میں کمی نہ کرے۔
5) اس کمپنی کی دوا مریض کے لیے مفید ہو اور اس طرح کی دوسری دواؤں سے مہنگی نہ ہو۔
اگر یہ تحائف، مالی منفعت، کھانے یا دیگر سہولیات اس شرط کے ساتھ دی جاتی ہوں کہ مریضوں کو مخصوص کمپنی کی ادویات تجویز کی جائیں گی یا طبی معائنہ (Medical Test) کسی مخصوص لیبارٹری کا ہی دیا جائے گا اور ڈاکٹرز محض کمیشن کے لالچ میں غیر معیاری ادویات تجویز کرتا ہو یا غیرضروری طبی معائنہ کرواتا ہو تو اس صورت میں کمیشن لینا اور دینا ناجائز ہوگا، کیونکہ یہ دوسروں کے مال و جان سے کھیلنا ہے، جو شرعاً و اخلاقاً سخت ممنوع ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:

الفتاوی الھندیۃ: (331/3، ط: دار الفكر)
نَوْعٌ مِنْهَا أَنْ يُهْدِيَ الرَّجُلُ إلَى رَجُلٍ مَالًا لِيُسَوِّيَ أَمْرَهُ فِيمَا بَيْنَهُ وَبَيْنَ السُّلْطَانِ وَيُعِينُهُ فِي حَاجَتِهِ، وَإِنَّهُ عَلَى وَجْهَيْنِ: الْوَجْهُ الْأَوَّلُ أَنْ تَكُونَ حَاجَتُهُ حَرَامًا وَ فِي هَذَا الْوَجْهِ لَا يَحِلُّ لِلْمُهْدِي الْإِعْطَاءُ وَلَا لِلْمُهْدَى إلَيْهِ الْأَخْذُ. الْوَجْهُ الثَّانِي أَنْ تَكُونَ حَاجَتُهُ مُبَاحَةً وَإِنَّهُ عَلَى وَجْهَيْنِ أَيْضًا: الْوَجْهُ الْأَوَّلُ أَنْ يَشْتَرِطَ أَنَّهُ إنَّمَا يُهْدِي إلَيْهِ لِيُعِينَهُ عِنْدَ السُّلْطَانِ، وَفِي هَذَا الْوَجْهِ لَا يَحِلُّ لِأَحَدٍ الْأَخْذُ وَهَلْ يَحِلُّ لِلْمُعْطِي الْإِعْطَاءُ. تَكَلَّمُوا فِيهِ مِنْهُمْ. الْوَجْهُ الثَّانِي إذَا لَمْ يَشْتَرِطْ ذَلِكَ صَرِيحًا وَلَكِنْ إنَّمَا يُهْدِي إلَيْهِ لِيُعِينَهُ عِنْدَ السُّلْطَانِ، وَفِي هَذَا الْوَجْهِ اخْتَلَفَ الْمَشَايِخُ- رَحِمَهُمْ اللَّهُ تَعَالَى-، وَعَامَّتُهُمْ عَلَى أَنَّهُ لَا يُكْرَهُ.
وَنَوْعٌ آخَرُ أَنْ يُهْدِيَ الرَّجُلُ إلَى سُلْطَانٍ فَيُقَلِّدَ الْقَضَاءَ لَهُ، أَوْ عَمَلًا آخَرَ وَهَذَا النَّوْعُ لَا يَحِلُّ لِلْآخِذِ الْأَخْذُ وَلَا لِلْمُعْطِي الْإِعْطَاءُ كَذَا فِي الْمُحِيطِ.

واللہ تعالٰی اعلم بالصواب
دارالافتاء الاخلاص،کراچی

04 Jun 2025

07 Dhul-Hijjah 1446

12 Million+

TOTAL VIEWS

اردو مضامین

نفلی روزوں کے دنیاوی ،طبی اور جسمانی فوائد
غذا کی منصوبہ بندی (Diet Plan) شریعت کی روشنی میں
قیلولہ کی سنت اور انسانی صحت پر اس کے اثرات
تمام مضامین

MY WILL

DOWNLOAD

میرا وصیت نامہ

عنوان: فارماسیوٹیکل (Pharmaceutical) کمپنیوں کا مخصوص دوا تجویز کرنے پر ڈاکٹر کو کمیشن دینے کا حکم(3657-No)

ملازم اور ملازمت میں مزید فتاوی

فتاوی

FATAWA