سوال: درج ذیل حدیث کی تحقیق فرمادیں: "حضرت ابو موسی اشعریؓ سے روایت ہے کہ نبی کریم ﷺ نے فرمایا: تم شاید یہ خیال کرو کہ میری شفاعت پرہیزگاروں کی لیے ہوگی، نہیں بلکہ میری شفاعت بہت زیادہ گناہ گاروں، خطا کاروں اور برائیوں میں مبتلا ہونے والوں کے لیے ہوگی"۔ (ابن ماجہ: کتاب الزہد، باب ذکر الشفاعة، حدیث نمبر:4311)

جواب: جی ہاں !اس قسم کا مضمون سنن ابن ماجہ کی حدیث میں موجود ہے۔
عن ابي موسى الاشعري , قال: قال رسول الله صلى الله عليه وسلم:" خيرت بين الشفاعة وبين ان يدخل نصف امتي الجنة , فاخترت الشفاعة لانها اعم واكفى , اترونها للمتقين لا , ولكنها للمذنبين الخطائين المتلوثين".
(سنن ابن ماجه، كتاب الزهد،بَابُ : ذِكْرِ الشَّفَاعَةِ،حدیث نمبر: 4311)
ترجمہ:
حضرت ابوموسیٰ اشعری رضی اللہ عنہ فرماتے ہیں کہ رسول اللہ صلی اللہ علیہ وسلم نے فرمایا: ”مجھے اختیار دیا گیا کہ شفاعت اور آدھی امت کے جنت میں داخل ہونے میں سے ایک چیز چن لوں، تو میں نے شفاعت کو اختیار کیا، کیوں کہ وہ عام ہو گی اور کافی ہو گی، کیا تم سمجھتے ہو کہ یہ شفاعت پرہیزگاروں کے لیے ہے؟ نہیں، بلکہ یہ ایسے گناہگاروں کے لیے ہے، جو غلطی کرنے والے اور گناہوں سے آلودہ ہوں گے۔