عنوان:
رمضان کے اخیر عشرہ میں اعتکاف کرنا افضل ہے یا تبلیغی جماعت میں جانا؟(3665-No)
سوال:
السلام علیکم، مفتی صاحب ! رمضان کے آخری عشرے میں اعتکاف میں بیٹھنا زیادہ افضل ہے یا دین سیکھنے کی خاطر اللہ تعالی کے راستے میں نکلنا زیادہ اجر و ثواب کا باعث ہے؟
جواب: رمضان کے اخیر عشرہ میں اعتکاف کرنا سنت علی الکفایہ ہے اور دین سیکھنے کے لیے تبلیغی جماعت میں جانا مباح، بلکہ بعض حالات میں ضروری ہے، البتہ تبلیغی جماعت میں جانے کے لیے کوئی خاص وقت مقرر نہیں ہے، پورے سال میں جب چاہیں، جاسکتے ہیں اور سنت اعتکاف کے لیے ایک مخصوص وقت ہے، جس کو اس کے علاوہ پورے سال میں نہیں کیا جاسکتا ہے، لہذا رمضان کے اخیر عشرہ میں اعتکاف کرنا افضل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
قواعد الفقه لعميم البركتي: (ص: 92، ط: الصدف ببلشرز)
عِنْد اجْتِمَاع الْحُقُوق يبْدَأ بالأهم۔
الدر المختار مع رد المحتار: (442/2، ط: دار الفکر)
(وهو) ثلاثة أقسام (واجب النذر) بلسانه۔۔۔۔۔۔(وسنة مؤكدة في العشر الأخير من رمضان) أي سنة كفاية كما في البرهان وغيره لاقترانها بعدم الإنكار على من لم يفعله من الصحابة.
والصحيح أنه سنة مؤكدة «لأن النبي - صلى الله عليه وسلم - واظب عليه في العشر الأواخر من رمضان» والمواظبة دليل السنة اه من أن المواظبة بلا ترك دليل الوجوب والجواب كما في العناية أنه - عليه الصلاة والسلام - لم ينكر على من تركه ولو كان واجبا لأنكر. اه.
وحاصله: أن المواظبة إنما تفيد الوجوب إذا اقترنت بالإنكار على التارك۔
واللہ تعالی اعلم بالصواب
دارالافتاء الاخلاص،کراچی
Ramzan, Ramadan, Ramdan, Akheer, Ashrah, Akhri, mein, Aitikaaf, Aitekaaf, Aitikaf, Karna, Afzal, hay, ya, Tableeghi, Jumaat, Tableeghe,
Is it better to observe I'tikaaf in the last ten days of Ramadan or to go in Tablighi Jamaat?, Aitikaaf, Aitikaf, Ramzan, Tableeghi, Tableeghe, Jumaat