سوال: السلام علیکم،
جو لوگ عمرے کا احرام باندھ کر نیت کر چکے تھے اور کرونا وائرس کی وجہ سے عمرے پر نہ جا سکے، اب ان کے لیے کیا حکم ہے؟

جواب: (1) واضح رہے کہ اگر مذکورہ فیملی نے صرف احرام باندھا ہو، اور اور عمرہ کی نیت کرکے تلبیہ نہ پڑھا ہو، تو ایسی صورت میں یہ فیملی احرام کھول لے، اور احرام کھولنے کی وجہ سے ان پر کچھ دم وغیرہ واجب نہیں ہوگا۔
(2) اگر احرام باندھنے کے بعد عمرہ کی نیت کرکے تلبیہ پڑھ لیا ہو، تو اب ان کے لیے احرام سے نکلنا جائز نہیں ہوگا، یہانتکہ حدودِ حرم میں ہر ایک شخص کے بدلہ بکری یا دنبہ ذبح نہ کردیا جائے، جب حدودِ حرم میں جانور ذبح ہوجائے، تو ان کے لیے احرام کھولنا جائز ہوگا، اور پابندی ختم ہونے کے بعد اس عمرہ کی قضاء بھی لازم ہوگی۔
(3) اگر حدود حرم میں جانور ذبح کرانے سے پہلے احرام اتار دیا اور سلے ہوئے کپڑے پہن لیے یا دیگر جنایات کا ارتکاب کرلیا، تو اس صورت میں بھی صرف ایک ہی دم لازم ہوگا، اور عمرہ کی قضاء بھی کرنی ہوگی۔