سوال: السلام علیکم، مفتی صاحب! اگر کوئی شخص رمضان المبارک میں عمرہ کرنے کے لئے جائے، اور شوال کے مہینے تک وہیں رہ جائے، تو کیا اس شخص پر حج لازم ہوجائے گا یا نہیں؟ اگر اس نے پہلے حج کیا ہو، تو کیا حکم ہے؟ اور اگر پہلے حج نہ کیا ہو، تو کیا حکم ہوگا؟

جواب: صورت مسؤلہ میں اگر وہ شخص پہلے حج کر چکا ہو، تو دوبارہ حج فرض نہیں ہوگا، البتہ اگر پہلے حج نہیں کیا، تو اس پر حج فرض ہونے کے لئےضروری ہے کہ وہ حج تک وہاں رہ سکتا ہو یا واپس آکر دوبارہ حج پر جانے اور حج کرنے کی استطاعت رکھتا ہو، بصورت دیگر اس پر بھی حج فرض نہیں ہوگا۔