سوال: کلونجی کے بارے میں یہ حدیث سنی ہے کہ "اس میں سوائے موت کے ہر بیماری کی شفا ہے"، براہ کرم اس کی تصدیق فرما دیں۔

جواب: جی ہاں ! مذکورہ حدیث صحیح بخاری میں ان الفاظ کے ساتھ موجود ہے:
حَدَّثَنَا يَحْيَى بْنُ بُكَيْرٍ ، حَدَّثَنَا اللَّيْثُ ، عَنْ عُقَيْلٍ، عَنْ ابْنِ شِهَابٍ، قَالَ : أَخْبَرَنِي أَبُو سَلَمَةَ، وَسَعِيدُ بْنُ الْمُسَيِّبِ ، أن أبا هريرة أخبرهما أَنَّهُ سَمِعَ رَسُولَ اللَّهِ صَلَّى اللَّهُ عَلَيْهِ وَسَلَّمَ، يَقُولُ: فِي الْحَبَّةِ السَّوْدَاءِ شِفَاءٌ مِنْ كُلِّ دَاءٍ إِلَّا السَّامَ.
قَالَ ابْنُ شِهَابٍ، وَالسَّامُ : الْمَوْتُ، وَالْحَبَّةُ السَّوْدَاءُ : الشُّونِيزُ.
(كتاب الطب، باب الحبة السوداء، رقم الحدیث 5688)
ترجمہ: مجھے ابوسلمہ اور سعید بن مسیب نے خبر دی اور انہیں ابوہریرہ رضی اللہ عنہ نے خبر دی، انہوں نے رسول اللہ صلی اللہ علیہ وسلم سے یہ فرماتے ہوئے سنا کہ سیاہ دانوں (کلونجی) میں سام (موت) کے سوا ہر بیماری سے شفاء ہے۔
ابن شہاب نے کہا کہ «سام» موت ہے اور سیاہ دانہ کلونجی کو کہتے ہیں۔