سوال: مندرجہ ذیل حدیث کی تصدیق فرمادیں: "رسول اللہ ﷺ نے ارشاد فرمایا: جو شخص طاعون زدہ علاقے میں صبر کے ساتھ اپنے گھر میں ٹھہرا رہے اور یہ یقین رکھے کہ اسے صرف وہی مصیبت پہنچے گی، جو اللہ نے اس کے لیے لکھ دی ہے تو اسے شہید جیسا اجر و ثواب ملے گا۔ (مسند احمد:حدیث نمبر، 26139)

جواب: واضح رہے کہ سوال میں مذکور حدیث مسند احمد میں موجود ہے۔
حضرت عائشہ رضی اللہ عنہا فرماتی ہیں، کہ میں نے رسول اللہ صلی اللہ علیہ وسلم سے طاعون کے بارے میں پوچھا، تو رسول اللہ صلی اللہ علیہ وسلم نے مجھے ارشاد فرمایا کہ طاعون اللہ تعالی کی طرف سے عذاب ہے، جس قوم پر چاہتا ہے، اس کو بھیج دیتا ہے، پس مؤمنین کے لیے اس کو رحمت بنا دیتا ہے، لہذا جو شخص طاعون زدہ علاقے میں صبر کے ساتھ اپنے گھر میں ٹھرا رہے، اور یقین رکھے کہ اسے صرف وہی مصیبت پہنچے گی، جو اللہ تعالی نے اس کے لیے لکھ دی ہے، تو اسے شہید جیسا اجر وثواب ملے گا۔"