سوال: آیت الکرسی کی فضلیت کے بارے میں ایک مفتی صاحب سے سنا ہے کہ گھر سے نکلتے وقت میاں بیوی سلام کرے اور آیت الکرسی پڑھ کر ایک دوسرے پر دم کریں تو اللہ‎ پاک اس وقت تک موت نہیں دینگے، جب تک دوبارہ ایک دوسرے سے مل نہ لیں۔ حضرت! اس کے بارے میں ذرا رہنمائی فرما دیں۔

جواب: حضور اکرم صلی اللہ علیہ وسلم سے گھر سے نکلتے وقت آیت الکرسی پڑھنا ثابت نہیں ہے، اس لئےسوال میں آیت الکرسی کی ذکر کردہ فضیلت بیان کرنا درست نہیں ہے، لہذا اس فضیلت كو نبی کریم ﷺ کی طرف منسوب نہ کیاجائے۔
شیخ ابن عثیمین رحمہ اللہ سےگھر سے نکلتے وقت آیۃ الکرسی اور سورہ بقرہ کی آخری دو آیت پڑھنے کی فضیلت کے متعلق سوال کیا گیا تو شیخ نے جواب دیا کہ یہ سنت ہی نہیں ہے تو پھر کیسے ہم کہیں کہ گھر سے نکلتے وقت آیۃ الکرسی اور بقرہ کی آخری دوآیت پڑھنے کے کیا فوائد ہیں ؟