سوال: حضرت ابو ھریرہ رضی اللہ عنہ سے روایت ہے کہ نبی کریمﷺ کا ارشاد ہے: جو کوئی شخص کسی دوسرے کو مصیبت میں دیکھ کر یہ دعا (الحمد للہ الذی عافانی مما ابتلاک بہ و فضلنی علی کثیر ممن خلق تفضیلا)پڑھ لے تو وہ مصیبت اس شخص کو کبھی لاحق نہ ہو گی۔ کیا یہ حدیث درست ہے؟
۔

جواب: جی ہاں ! یہ روایت سنن ترمذی میں موجود ہے اور سند کے اعتبار سے صحیح ہے۔
 ابي هريرة، قال: قال رسول الله صلى الله عليه وسلم: " من راى مبتلى فقال: الحمد لله الذي عافاني مما ابتلاك به وفضلني على كثير ممن خلق تفضيلا، لم يصبه ذلك البلاء "
ترجمہ:
حضرت ابوھریرہ رضی اللہ عنہ سے روایت ہے کہ جناب رسول اللہ صلی اللہ علیہ وسلم نے فرمایا: ”جو شخص کسی شخص کو مصیبت میں مبتلا دیکھے پھر کہے: «الحمد لله الذي عافاني مما ابتلاك به وفضلني على كثير ممن خلق تفضيلا» تو اسے یہ بلا نہ پہنچے گی“۔
(كتاب الدعوات عن رسول الله صلى الله عليه وسلم،  باب مَا يَقُولُ إِذَا رَأَى مُبْتَلًى،حدیث نمبر: 3431)