سوال:
کیا ولیمہ میں عقیقہ کی نیت سے ذبح شدہ جانور کا گوشت کھلایا جا سکتا ہے یعنی عقیقہ کا ذبیحہ ولیمہ کی نیت سے لوگوں کو کھلایا جا سکتا ہے اور کیا اس سے عقیقہ اور ولیمہ دونوں کا اجر ملے گا؟
جواب: واضح رہے کہ ولیمہ اور عقیقہ دونوں ہی باعثِ اجر و ثواب کے اعمال ہیں، اس لیے اگر کوئی شخص عقیقے کے لیے ذبح کیے گئے جانور کا گوشت ولیمہ میں استعمال کر لے تو اس سے ولیمہ بھی ادا ہو جائے گا اور ان شاء اللہ دونوں کا اجر حاصل ہوگا، البتہ بہتر یہ ہے کہ اگر وسعت اور گنجائش ہو تو ولیمہ کے لیے علیحدہ انتظام کرلیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار:(6/ 326،ط: دار الفكر)
(وإن) (كان شريك الستة نصرانيًا أو مريدًا اللحم) (لم يجز عن واحد) منهم؛ لأن الإراقة لاتتجزأ، هداية؛ لما مر.
وكذا لو أراد بعضهم العقيقة عن ولد قد ولد له من قبل؛ لأن ذلك جهة التقرب بالشكر على نعمة الولد ذكره محمد، ولم يذكر الوليمة. وينبغي أن تجوز؛ لأنها تقام شكرًا لله تعالى على نعمة النكاح ووردت بها السنة، فإذا قصد بها الشكر أو إقامة السنة فقد أراد القربة. وروي عن أبي حنيفة أنه كره الاشتراك عند اختلاف الجهة، وأنه قال: لو كان من نوع واحد كان أحب إلي، وهكذا قال أبو يوسف، بدائع
واللہ تعالیٰ اعلم باالصواب
دار الافتاء الاخلاص کراچی