سوال:
مفتی صاحب! کیا نکاح کے بعد رخصتی سے پہلے شوہر پر بیوی کا نان و نفقہ واجب ہوتا ہے؟
جواب: نکاح کے بعد اگر لڑکی کی طرف سے رخصتی میں کوئی رکاوٹ نہ ہو اور وہ اس کے لیے آمادہ ہو، لیکن اس کے باوجود شوہر رخصتی نہ کرے تو ایسی صورت میں بیوی کا نان و نفقہ شوہر کے ذمّے لازم ہوگا۔
البتہ اگر شوہر رخصتی کے لیے تیار ہو اور لڑکی والے کسی وجہ سے رخصتی میں تاخیر کر رہے ہوں تو اس صورت میں شوہر پر نان و نفقہ واجب نہیں ہوگا۔
۔۔۔۔۔۔۔۔۔۔۔۔۔۔۔۔۔۔۔۔
دلائل:
المحيط البرهاني:(3/ 522،ط:دار الكتب العلمية)
والمعنى في ذلك أن النفقة إنما تجب عوضاً عن الاحتباس في بيت الزوج، فإذا كان الفوات لمعنى من جهة الزوج أمكن أن يجعل ذلك الاحتباس باقياً تقديراً، أما إذا كان الفوات بمعنى من جهة الزوجة لا يمكن أن يجعل ذلك الاحتباس باقياً تقديراً وبدونه لا يمكن إيجاب النفقة
واللہ تعالیٰ اعلم باالصواب
دار الافتاء الاخلاص کراچی