سوال:
سلمہ بن اکوع رضی اللہ عنہ بیان کرتے ہیں کہ رسول اللہ ﷺ نے غزوہ اوطاس کے موقع پر تین روز کے لیے متعہ کی اجازت دی، پھر اس سے منع فرما دیا۔ (مشکوة المصابیح: حدیث نمبر، 3148) کیا یہ حدیث مستند ہے؟
جواب: سوال میں ذکرکردہ روایت سند کے اعتبارسے ’’صحیح‘‘ ہے،لہذا اس کو بیان کیا جاسکتا ہے۔
ذیل میں اس حدیث کا ترجمہ ذکرکیا جاتا ہے:
ترجمہ:
ایاس بن سلمہ نے اپنے والد ( سلمہ بن اکوع رضی اللہ عنہ ) سے روایت کی ہے کہ :جناب رسول اللہﷺنے اوطاس کے سال تین دن متعہ کی اجازت دی، پھر اس سے منع فرما دیا۔(مسلم ،حدیث نمبر: 1405)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحيح مسلم: (رقم الحديث: 1405، 1023/2، ط: دار احياءالتراث العربي)
عن إياس بن سلمة، عن أبيه، قال: «رخص رسول الله صلى الله عليه وسلم عام أوطاس، في المتعة ثلاثا، ثم نهى عنها
أخرجه ابن حبان في ’’صحيحه‘‘ (9 / 457) (4151) والبيهقي في ’’سننه الكبير‘‘ (7 / 332) (14161) والدارقطني في ’’سننه‘‘ (4 / 382) (3642) وأحمد في ’’مسنده‘‘ (27/ 84) (16552) وابن أبي شيبة في ’’مصنفه‘‘ (9 / 300) (17351)
واللہ تعالی اعلم بالصواب
دارالافتاء الاخلاص،کراچی