سوال:
السلام علیکم، مفتی صاحب ! روزہ دار بھول سے کھانے پینے لگے تو اسے یاد دلایا جائے یا نہیں؟
مزید یہ بھی ارشار فرمائیں کہ یاد دلانے یا نہ یاد دلانے میں کیا کمزور اور قوی شخص کے درمیان کوئی فرق ہے؟
جواب: واضح رہے کہ اگر کوئی شخص روزہ کی حالت میں بھول کر کوئی چیز کھا یا پی رہا ہو تو اس کو روزے کے بارے میں یاد دلانا چاہیئے، یاد نہ دلانا مکروہ ہے، بشرطیکہ وہ شخص قوی ہو اور اس میں روزے سے پورا دن گزارنے کی قدرت ہو، خواہ وہ بوڑھا ہو یا جوان، البتہ اگر بھول کر کھانے والا بیمار یا کمزور ہو تو اس کو روزہ یاد نہ دلانے کی گنجائش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیة: (202/1)
رجل نظر الی صائم یأکل ناسیا ان رأی فیہ قوۃ یمکنہ ان یتم الصوم الی اللیل فالمختار انہ یکرہ ان لا یذکرہ وان کان یضعف فی الصوم بأن کان شیخا کبیرا یسعہ ان لا یخبرہ۔ کذا فی الظھیریۃ فی فصل الاعذار المبیحۃ۔
رد المحتار: (395/2)
(قولہ ویذکرہ) ای لزوما کما فی الولوالجیۃ فیکرہ ترکہ تحریما بحر وقولہ لو قویا ای لہ قوۃ علی اتمام الصوم بلا ضعف واذا کان یضعف بالصوم ولو اکل یتقوی علی سائر الطاعۃ یسعہ ان لایخبرہ فتح وعبارۃ غیرہ الاولی ان لا یخبرہ وتعبیر الزیلعی بالشباب والشیخ جری علی الغالب، ثم ھذا التفصیل جری علیہ غیر واحد وفی السراج عن الواقعات المختار انہ یذکرہ مطلقا نھر۔
واللہ تعالٰی اعلم بالصواب
دارالافتاء الاخلاص،کراچی