سوال:
دریافت یہ ہے کہ حالت نزاع (لڑائی جھگڑے)میں شوہر نے اپنی بیوی سے یہ الفاظ کہے"میں نے تجھے اپنی ڈکشنری سے نکال دیا ہے"ـ شرعاً کیا ان الفاظ سے طلاق واقع ہوتی ہے؟ اگر طلاق واقع ہوتی ہے تو وہ کتنی اور کس نوعیت کی شمار کی جائے گی؟
جواب: واضح رہے کہ طلاق واقع ہونے کے لیے شوہر کا ایسے الفاظ استعمال کرنا ضروری ہے جن سے طلاق کا معنی سمجھ آتا ہو، "اپنی ڈکشنری سے نکالنا" ہمارے عرف میں طلاق کے لیے مستعمل نہیں ہے اور نہ ہی اس میں طلاق کا معنی پایا جاتا ہے، اس لیے سوال میں پوچھی گئی صورت میں بیوی کو مذکورہ الفاظ کہنے سے کوئی طلاق واقع نہیں ہوئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔
دلائل:
*رد المحتار: (230/3، ط: ایچ ایم سعید)*
(قوله وركنه لفظ مخصوص) هو ما جعل دلالة على معنى الطلاق من صريح أو كناية فخرج الفسوخ على ما مر، وأراد اللفظ ولو حكما ليدخل الكتابة المستبينة وإشارة الأخرس والإشارة إلى العدد بالأصابع في قوله أنت طالق هكذا كما سيأتي.
وبه ظهر أن من تشاجر مع زوجته فأعطاها ثلاثة أحجار ينوي الطلاق ولم يذكر لفظا لا صريحا ولا كناية لا يقع عليه كما أفتى به الخير الرملي وغيره، وكذا ما يفعله بعض سكان البوادي۔
*کذا فی فتویٰ جامعۃ بنوری تاؤن: رقم الفتوی: (144710101833)*
واللّٰه تعالٰی اعلم بالصواب
دارالافتاء الاخلاص، کراچی