سوال:
السلام علیکم، مفتی صاحب ! حافظ صاحب نے تراویح کی نماز میں سورہ مائدہ کی آیت نمبر چھیالیس اور سینتالیس تلاوت کی (جس میں ایک لفظ التوراة سہواً رہ بھی گیا) اور رکوع میں چلے گئے، رہنمائی فرمائیں کہ کیا مقدار تلاوت پوری ہوگئی؟
جواب: واضح رہے کہ نماز میں تین چھوٹی یا ایک بڑی آیت کا پڑھنا واجب ہے، سورہ مائدہ کی آیت نمبر 46 اور47 بڑی آیتیں ہیں، صورت مسئولہ میں مذکورہ آیتیں تلاوت کرنے سے قرأت کی واجب مقدار تلاوت کی جا چکی تھی، لہذا نماز درست ہے۔
صورت مسئولہ میں امام سے آیت کا جو حصہ چھوٹا ہے، اس سے معنی میں تغیرِ فاحش واقع نہیں ہوا ہے، لہذا نماز درست ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
کنز العمال: (رقم الحدیث: 19686، 180/7، ط: دار الکتب العلمیۃ)
عن ابن عمر رضي اللّٰہ عنہما قال: لا تجزئ المکتوبۃ إلا بفاتحۃ الکتاب وثلاث آیات فصاعداً۔
الدر المختار مع رد المحتار: (مطلب واجبات الصلاۃ، 146/2، ط: زکریا)
ولہا واجبات: وہي قراء ۃ فاتحۃ الکتاب وضم سورۃ کالکوثر أو ما قام مقامہا، وہو ثلاث آیات قصار نحو {ثُمَّ نَظَرَ۔ ثُمَّ عَبَسَ وَبَسَرَ۔ ثُمَّ اَدْبَرَ وَاسْتَکْبَرَ} وکذا لو کانت الآیۃ أو الاٰیتان تعول ثلاثا قصاراً۔
و فیه ایضا: (632/1)
ولوزاد کلمۃ اونقص کلمۃ۔۔۔لم تفسدمالم یتغیرالمعنی۔
واللہ تعالٰی اعلم بالصواب
دارالافتاء الاخلاص،کراچی