سوال:
مفتی صاحب! میرال (Meeral) نام رکھنا کیسا ہے اور اس کا معنی کیا ہے؟
جواب: واضح رہے کہ میرال (Meraal) نام ترکی زبان کا لفظ ہے، جس کے معنی "غزال" یعنی ہرن کے آتے ہیں، اس معنی کے اعتبار سے اگرچہ یہ نام رکھنا درست ہے، البتہ بہتر یہ ہے کہ اپنے بچوں کا نام صحابہ کرام اور صحابیات رضوان اللہ علیهم اجمعین کے ناموں میں سے کسی کے نام پر یا کوئی اوراچھے معنی والا نام رکھ لیا جائے۔
۔۔۔۔۔۔۔۔۔۔۔۔۔۔۔۔۔۔
دلائل:
مسند البزار: (رقم الحدیث: 8540، 176/15، ط: مكتبة العلوم و الحكم)
عَن أبي هُرَيرة؛ أَنَّ رَسُولَ اللهِ صَلَّى اللَّهُ عَلَيه وَسَلَّم قال: "إن من حق الولد على الوالد أن يحسن اسمه ويحسن أدبه".
ترکی اردو لغت: (ص: 327،ط: زینت پریس کراچی)
ہرن غزال Meral (geyik)
والله تعالی أعلم بالصواب
دار الإفتاء الإخلاص کراچی