سوال: السلام علیکم، مفتی صاحب ! اگر روزہ کے دوران عورت کے مخصوص ایام شروع ہو جائیں تو کیا احترام روزہ میں مغرب تک کچھ نہ کھائے پیئے یا کچھ کھانا پینا ضروری ہے؟

جواب: روزے کی حالت میں اگر مغرب سے پہلے پہلے کسی بھی وقت عورت کو حیض آجائے تو اس کی وجہ سے روزہ فاسد ہوجائے گا، اور پاک ہونے کے بعد اس روزے کی قضا رکھنا لازم ہوگا۔
واضح رہے کہ ایسی عورت روزہ داروں کے سامنے تو نہ کھائے، لیکن تنہائی میں کھا پی سکتی ہے، البتہ اس کے برعکس اگر حائضہ عورت دن کا کچھ حصہ گزرنے کے بعد پاک ہوگئی تو اب دن کے بقیہ حصہ میں کھانے پینے سے رُکا رہنا واجب ہے۔