سوال: السلام علیکم، مفتی صاحب ! کیا میں شوال کے روزے کی جگہ قضاء روزے رکھ سکتی ہوں؟
اور اگر رکھ سکتی ہوں تو کیا دونوں روزوں کا ثواب ملے گا؟

جواب: واضح رہے کہ شوال کے روزے نفل ہیں جبکہ قضا کے روزے رکھنا شرعا اس کے ذمہ لازم ہیں، دونوں کی الگ الگ حیثیت ہے، اس لئے جس شخص کے ذمہ روزوں کی قضا ہو، وہ شوال کے چھ نفلی روزے بھی رکھ سکتا ہے، لیکن اس کے لئے بہتر یہ ہے کہ پہلے قضا روزے رکھے، پھر نفل روزے رکھے، اور اگر کوئی شخص شوال کے نفل روزوں میں قضا روزوں کی نیت کرتاہے، تو اس صورت میں قضا روزے ہی ادا ہوں گے۔