سوال: مفتی صاحب ! ایک شخص کا انتقال ہوگیا ہے اور اس کی کوئی اولاد نہیں ہے، اس نے ترکہ میں دس (10) کنال زمین اور نو (9) تولہ سونا چھوڑا ہے، ورثاء میں بیوہ، ایک بھائی اور دو بہنیں ہیں، براہ کرم رہنمائی فرمائیں کہ ان کے درمیان ترکہ کس تناسب سے تقسیم ہوگا؟

جواب: مرحوم کی تجہیز و تکفین، قرض کی ادائیگی اور اگر کسی غیر وارث کے حق میں وصیت کی ہو تو ایک تہائی (1/3) میں وصیت نافذ کرنے کے بعد تمام جائیداد منقولہ و غیر منقولہ کو سولہ (16) حصوں میں تقسیم کیا جائے گا، جس میں سے مرحوم کی بیوہ کو چار (4)، بھائی کو چھ (6) اور دونوں بہنوں میں سے ہر ایک بہن کو تین (3) حصے ملیں گے۔
اگر فیصد کے اعتبار سے تقسیم کریں:
بیوہ کو %25 فیصد
بھائی کو %37.5 فیصد
ہر ایک بہن کو %18.75 فیصد ملے گا۔