سوال: مفتی صاحب! آپ سے پوچھنا یہ تھا کہ عام طور پر دیکھا گیا ہے کہ فرض نماز ادا کرنے کے بعد لوگ جلدی جلدی صفوں سے نکلنے کی کوشش کرتے ہیں، اور بعض مرتبہ وہ نمازی کے آگے سے بھی گزر جاتے ہیں، اس بارے میں شریعت کا کیا حکم ہے؟وضاحت فرمادیں

جواب: واضح رہے کہ بغیر سترے کے نمازی کے آگے سے گزرنا شرعا درست نہیں ہے، احادیث میں نمازی کے آگے سے گزرنے والے کے بارے میں سخت وعید وارد ہوئی ہے، ترمذی کی حدیث میں ہے کہ "زید بن خالد جہنی نے انہیں ابوجہیم رضی الله عنہ کے پاس بھیجا تاکہ وہ ان سے یہ پوچھیں کہ انہوں نے مصلی کے آگے سے گزرنے والے کے بارے میں رسول اللہ صلی اللہ علیہ وسلم سے کیا سنا ہے؟ تو ابوجہیم رضی الله عنہ نے کہا: رسول اللہ صلی اللہ علیہ وسلم نے فرمایا ہے: اگر مصلی کے آگے سے گزرنے والا جان لے کہ اس پر کیا (گناہ) ہے، تو اس کے لیے مصلی کے آگے سے گزرنے سے چالیس … تک کھڑا رہنا بہتر ہو گا۔ ابونضر سالم کہتے ہیں: مجھے نہیں معلوم کہ انہوں نے چالیس دن کہا، یا چالیس مہینے کہا یا چالیس سال"۔