سوال: میں نے حدیث شریف میں پڑھا ہے کہ بچہ سات سال کا ہوجائے، تو اسے نماز پڑھاؤ، اور دس سال کا ہوجائے، تو مار کر نماز پڑھاؤ، اور لڑکے، لڑکی کا بستر بھی الگ کردو، سوال یہ تھا کہ قضا نمازوں کا حساب سات سال کی عمر سے کیا جائے گا، یا بالغ ہونے کے بعد سے کیا جائے گا؟

جواب: حدیث شریف میں سات سال کے بچہ کو نماز کا حکم اسے نماز کا عادی بنانے کے لئے دیا گیا ہے، البتہ نماز بالغ ہونے پر فرض ہوتی ہے، لہذا قضا نمازوں کا حساب بھی بالغ ہونے کے بعد سے ہی کیا جائے گا، اور بلوغت کے بعد جتنی فرض اور وتر نمازیں قضا ہوئیں ہونگی، ان کو قضا کرنا شرعاً ضروری ہے۔