سوال:
میں بوڑھا معذور ہوں، چارپائی سے اترنے کی بھی طاقت نہیں رکھتا، بیوی ہی مجھے نہلاتی اور پیشاب کراتی ہے، کیا میں بغیر وضو قرآن کریم کو چھوکر تلاوت کرسکتا ہوں؟
جواب: واضح رہے کہ قرآن مجید کو بغیر وضو ہاتھ لگانا شرعاً جائز نہیں ہے، البتہ بلا وضو تلاوت کرسکتے ہیں، اگر قرآن کریم کو چھونا اور دیکھ کر پڑھنا ضروری ہو تو کوئی دوسرا شخص آپ کو وضو کرادے یا بغیر وضو کسی کپڑے وغیرہ کی مدد سے ورق پلٹ لیا جائے تو مضائقہ نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (الواقعة، الایة: 79)
لاَ یَمَسُّہٗ اِلاَّ الْمُطَہَّرُوْنَo
بدائع الصنائع: (33/1، ط: دار الكتب العلمية)
قال ﷺ : ’’ لا صلاۃ إلا بوضوء ‘'۔ ولا مسّ المصحف من غیر غلاف عندنا ۔۔۔۔۔ ولا مس الدراہم التي علیہا القرآن ، لأنہ حرمۃ المصحف کحرمۃ ما کتب منہ فیستوی فیہ الکتابۃ في المصحف وعلی الدراہم ۔
واللہ تعالٰی اعلم بالصواب
دارالافتاء الاخلاص،کراچی