سوال:
مفتی صاحب ! ایک شخص کا انتقال ہو گیا ہے، ورثاء میں بیوہ، پانچ بیٹیاں اور دو بیٹے ہیں، رہنمائی فرمائیں کہ جائیداد کس تناسب سے تقسیم ہو گی؟
جواب: مرحوم کی تجہیز و تکفین، قرض کی ادائیگی اور اگر کسی غیر وارث کے حق میں وصیت کی ہو، تو ایک تہائی (1/3) میں وصیت نافذ کرنے کے بعد تمام جائیداد منقولہ و غیر منقولہ کو بہتر (72) حصوں میں تقسیم کیا جائے گا، جس میں سے مرحوم کی بیوہ کو نو (9)، ہر ایک بیٹے کو چودہ (14) اور پانچ بیٹیوں میں سے ہر ایک بیٹی کو سات (7) حصے ملیں گے۔
اگر فیصد کے اعتبار سے تقسیم کریں:
بیوہ کو % 12.5 فیصد
ہر ایک بیٹے کو %19.44 فیصد
ہر ایک بیٹی کو %9.72 فیصد ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (النساء، الایة: 11)
یُوْصِیْکُمُ اللّٰہُ فِیْ اَوْلَادِکُمْ لِلذَّکَرِ مِثْلُ حَظِّ الْاُنْثَیَیْن.... الخ
و قوله تعالی: (النساء، الایة: 12)
ولھن الربع مما ترکتم إن لم یکن لکم ولد، فإن کان لکم ولد فلھن الثمن مما ترکتم.... الخ
واللہ تعالٰی اعلم بالصواب
دارالافتاء الاخلاص،کراچی