سوال: مفتی صاحب ! ایک سونے کا سیٹ جس کی مالیت پانچ لاکھ ہے، میراث میں ایک بھائی اور بہن میں تقسیم کرنا ہے، رہنمائی فرمائیں کہ تقسیم کیسے ہو گی؟

جواب: مرحوم والدین کی تجہیز و تکفین، قرض کی ادائیگی اور اگر کسی غیر وارث کے حق میں وصیت کی ہو، تو ایک تہائی (1/3) میں وصیت نافذ کرنے کے بعد کل جائیداد منقولہ و غیر منقولہ کو تین (3) حصوں میں تقسیم کیا جائے گا، جس میں سے بھائی کو دو (2) اور بہن کو ایک حصہ ملے گا۔
اس تقسیم کی رو سے پانچ لاکھ (500000) میں سے بھائی کو تین لاکھ تینتیس ہزار، تین سو تینتیس روپے اور تینتیس پیسے (3,33,333,33) اور بہن کو ایک لاکھ چھیاسٹھ ہزار، چھ سو چھیاسٹھ روپے اور چھیاسٹھ پیسے (1,66,666,66) ملیں گے۔