سوال:
اگر کوئی شخص کسی وجہ سے عیدالفطر اور عیدالاضحی کی نماز میں جماعت کے ساتھ شریک نہیں ہوسکا، تو کیا وہ شخص عیدین کی نمازوں کی قضا گھر میں پڑھ سکتا ہے یا کوئی کفارہ دینا ہوگا؟
جواب: عیدین کی نماز کو جماعت سے ادا کرنا شرعاً ضروری ہے، لہذا اگر کسی سے عید الفطر یا عید الاضحی کی جماعت فوت ہوجائے، تو وہ توبہ واستغفار کرے، عیدین کی نماز کی نہ کوئی قضا ہے، اور نہ ہی کوئی کفارہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (175/2، ط: دار الفکر)
(ولا يصليها وحده إن فاتت مع الإمام) ولو بالإفساد اتفاقا في الأصح كما في تيمم البحر۔
واللہ تعالٰی اعلم بالصواب
دارالافتاء الاخلاص،کراچی