سوال: مفتی صاحب ! اگر حصہ کی قربانی ہو، تو گوشت وزن کر کے دینا ضروری ہے یا سب کی رضامندی سے اندازاً بھی تقسیم کر سکتے ہیں؟

جواب: ایک جانور میں کئی حصہ دار شریک ہوں، تو آپس میں گوشت وزن کرکے تقسیم کرنا ضروری ہے، اندازہ سے تقسیم نہ کیا جائے، اگرچہ حصہ دار ایک دوسرے کے لیے زیادتی کو حلال قرار دے دیں، اس لیے کہ اگر حصوں میں کمی بیشی ہوگی، تو سود ہوجائے گا، اور سود لینا، دینا اور کھانا سب حرام ہے، البتہ اگر گوشت کی تقسیم کرتے وقت قربانی کے جانور کے دیگر اعضاء مثلاََ: کلہ، پائے، کلیجی وغیرہ کو بھی گوشت کے ساتھ رکھ کر تقسیم کرلیا جائے، اور ہر ایک کے حصے میں ان چیزوں میں سے کچھ نہ کچھ آجائے، تو پھر تول کر تقسیم کرنا لازم نہیں ہوگا، بلکہ اندازے سے کمی بیشی کے ساتھ تقسیم کرنا بھی جائز ہوگا۔