سوال:
اگر کوئی شخص اپنی بیوی کو مذاق کے طور پر غلطی سے یہ کہہ دے کہ "آپ میری بہن ہو"، تو کیا اس سے نکاح ٹوٹ جائے گا؟
جواب: بیوی کو بہن کہنا مکروہ ہے، لہذا اس سے اجتناب کرنا چاہیے، حدیث شریف میں آتا ہے کہ "حضور ﷺ نے ایک آدمی کو سنا کہ وہ اپنی بیوی کو بہن کہہ رہا تھا، تو آپ ﷺ نے اس کو ناپسند کیا، اور اس سے منع فرمایا"، تاہم بیوی کو بہن کہنے سے نکاح نہیں ٹوٹتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (470/3، ط: دار الفکر)
فقد صرحوا بأن قوله لزوجته يا أخية مكروه. وفيه حديث رواه أبو داود «أن رسول الله - صلى الله عليه وسلم - سمع رجلا يقول لامرأته يا أخية فكره ذلك ونهى عنه»۔
واللہ تعالٰی اعلم بالصواب
دارالافتاء الاخلاص،کراچی