سوال: مفتی صاحب ! ایک شخص کا انتقال ہوگیا ہے اور ورثاء میں صرف دو شادی شدہ بیٹیاں ہیں، اس کے علاوہ کوئی وارث نہیں ہے، مرحوم نے ترکہ میں ایک گھر چھوڑا ہے، براہ کرم رہنمائی فرمادیں کہ وہ گھر دونوں بیٹیوں کے درمیان کس طرح تقسیم ہوگا؟

جواب: مرحوم کی تجہیز و تکفین، قرض کی ادائیگی اور اگر کسی کے لیے جائز وصیت کی ہو، تو ایک تہائی (1/3) میں وصیت نافذ کرنے کے بعد اگر ان دو بیٹیوں کے علاوہ کوئی اور شرعی وارث نہ ہو، تو پورے مکان کو دو حصوں میں تقسیم کیا جائے گا، جس میں سے ایک حصہ ایک بیٹی کو اور دوسرا حصہ دوسری بیٹی کو ملے گا۔
فیصد کے اعتبار سے تقسیم کریں تو
دونوں بیٹیوں میں سے ہر ایک بیٹی کو %50 فیصد ملے گا۔