سوال: مفتی صاحب ! نیٹ ورک مارکیٹنگ جائز ہے یا ناجائز ہے؟

جواب: نیٹ ورک مارکیٹنگ(Network Marketing) یا ملٹی لیول مارکیٹنگ (Multi Level Marketing) کے طریقہ کار کے مطابق بہت سی کمپنیاں کام کر رہی ہیں، جس کے تحت کم قیمت کی چیزیں مہنگے داموں میں فروخت کی جاتی ہیں، اور اس کے ساتھ ساتھ آگے ممبر بنا کر اس پر کمیشن دینے کی پیشکش کی جاتی ہے، لوگ کمیشن کی لالچ میں کم قیمت کی چیزیں مہنگے داموں میں خریدتے ہیں، جو شرعا جوئے کی ایک شکل ہے، نیز نیٹ ورک مارکیٹنگ کا مروجہ طریقہ کار دیگر بہت سے غیر شرعی امور (مثلا غرر، مختلف معاملات کو ایک دوسرے کے ساتھ مشروط کرنے، اور دیگر فاسد شرائط) پر مشتمل ہونے کی وجہ سے جائز نہیں ہے، اس سے اجتناب لازم ہے۔