سوال:
مفتی صاحب! اعتکاف کے دوران معتکف کے گھر والوں میں سے بیوی یا کوئی بچہ وغیرہ بیمار ہو، معتکف اگر اعتکاف کے دوران ان کی تیمارداری کے لئے مسجد سے نکل جائے، تو اس کے اعتکاف کا کیا حکم ہے؟
جواب: معتکف کی بیوی، والدین یا اولاد سخت بیمار ہوگئے، ان کی تیمارداری کے لیے کوئی نہیں، اور معتکف مجبور ہو کر ان کی تیمارداری کے لیے مسجد سے باہر نکلا، تو اعتکاف فاسد ہو جائے گا، اگرچہ گنہگار نہیں ہوگا، لیکن قضا لازم ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (212/1، ط: رشیدیہ)
ولا یخرج لعیادۃ المریض کذا فی البحر الرائق۔ ولو خرج لجنازۃ یفسد اعتکافہ وکذا لصلاتھا۔۔۔۔۔۔۔۔وکذا اذا خرج ساعۃ بعذر المرض فسد اعتکافہ۔
واللہ تعالٰی اعلم بالصواب
دارالافتاء الاخلاص،کراچی