سوال:
اگر معتکف کو مسجد میں ریح کا احساس ہو، تو کیا اس کو ریح خارج کرنے کے لیے مسجد کی حدود سے باہر نکلنا ضروری ہے یا مسجد کے اندر بھی ریح خارج کرسکتا ہے؟
جواب: واضح رہے کہ معتکف کا ہوا خارج کرنے کے لئے مسجد سے باہر جانا درست ہے، اس سے اعتکاف فاسد نہیں ہوگا، البتہ ہوا خارج ہونے کے بعد مسجد سے باہر مزید نہ رکے ، ورنہ اعتکاف فاسد ہوجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (172/1، ط: سعید)
وفی الخزانۃ:واذا فسا فی المسجد لم یر بعضھم بہ باسا وقال بعضھم: اذا احتاج الیہ یخرج منہ وھو الاصح۔
واللہ تعالٰی اعلم بالصواب
دارالافتاء الاخلاص،کراچی