سوال:
میری ایک کپڑے کی فیکٹری ہے، جس میں کئی کاریگر کام کرتے ہیں، میں الحمداللہ پانچ وقت کا نمازی ہوں، اور جمعہ کی نماز بھی باقاعدگی سے پڑھتا ہوں، کیا جمعہ کی اذان کے بعد مجھے اپنی فیکٹری مکمل بند کردینی ضروری ہے؟ یا کاریگروں کو ان کے اختیار پر چھوڑ دوں؟
جواب: قرآن کریم میں اذان جمعہ کے بعد خرید و فروخت سے منع فرمایا گیا ہے، اس لئے جمعہ کی پہلی اذان کے بعد کسی بھی قسم کے کاروبار کی اجازت نہیں ہے، لہذا اس دوران فیکٹری کو بھی بند کرنا ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (الجمعة، الایة: 9)
یا ایھا الذین آمنوا اذا نودی للصلوۃ من یوم الجمعۃ فاسعوا الی ذکراﷲوذرواالبیع ذلکم خیر لکم ان کنتم تعلمونo
الفقه الحنفی و ادلته: (47/2)
عن ابن عباس رضی اللہ عنہ قال: قال رسول الله صلى الله عليه وسلم: حرمت التجاره يوم الجمعه ما بين الاذان الاول الى اقامۃ۔
الفقه الاسلامی و ادلته: (المطلب الثانی، فضل السعی، 262/2)
كان السعي للجمعة واجبا، حكمه حكم الجمعة؛ لأنه ذريعة إليها لقوله سبحانه: {فاسعوا إلى ذكر الله} [الجمعة:٩/ ٦٢]، والتبكير إليها فضيلة، وكان ترك أعمال التجارة من بيع وشراء ومختلف شؤون الحياة أمرا لازما لئلا يتشاغل عنها ويؤدي ذلك إلى إهمالها أو تعطيلها.
واللہ تعالٰی اعلم بالصواب
دارالافتاء الاخلاص،کراچی